Jurddaš go golbma jagi juo leat vássan.
Mun muitašan du mojunjálmmiid. Áivve mojunjálmmiid, muhto nu váillahan du. Jurddašan man somá lávii du deaivat, man olu ilu don buktet.
Muittašan hui buriin mielain máŋemus háve go oaidnaleimme. Dalle go ean máššan nohkkat go ledje nu olu ságat, go goappešagat galggaime iđđes árrat vuoddját. Don ealu lusa ja mun bargui. Movt moai skužisteime dego guokte mánát.
Golbma jagi juo vássan, olu dáhpahuvvon, lihkká orru nu áito go mannet.
Ikte vulgen du lusa, muhto mun in gávdnan du.. Lei nu olu muohta ja mun in gávdnan du!
In leat háliidan fitnat du luhtte, go finan ruovttus de jurddašan ahte dán háve de vuolggán. Lihkká in duostta. Ikte dustten ja de in gávdnan šat du..
Boađán fas beassážiidda. Almmahal de lea muohta veahaš suddan vuoi mun juobe oainnán ge du ja daid eará hávddiid..
Inga kommentarer:
Skicka en kommentar