Mus ii leat eará oaivvis justte dál.
Čohkkán das barggus ja jurddašattan ahte ferten njálbmat iežan ođđa bittuid, ja silbehahttit boaluid, geahččat jus ferten silbehahttit riskkuid maid.. darvehit boaluid boahkánii.
ja maid mun dagan.. vuorddašan in go fargga beasa ruoktot goarrut. ja mannat olgun beatnagiin.
Ihttin de čavgen ruovttu guvlui, ráhkis Guovdageidnui!
Illudan ávvudit Sara Ingga ja Ante Niillasa viháheami, finádit Heahtás Márjjábeaivve-doaluin. Herskkostallat ja suohtastallat. Dánsut. Gáfestallat ráhkkásiguin. Čiŋádit!
Leddjen juo meastta vajálduhttan ahte goaski daida gárven mu ođđa gávtti! Oh, ii leat mihkkege mii lea buoret go ná illudit vahkolohppi. Dat dovdu go viimmat beasan vuoddját. Ollet Áidejávrre radjai ja návddašit Áidejávreábi.. Viimmat olles vieso lusa, ja doppe dievva viesu olbmot. Áivve olbmot geat leat váimmu lágámusas.
Leddjen roahkka mannán ruoktot juo mannán vahkoloahpa, Ánta Máhte riegádanbeaivi lei mánnodaga, otne lea eatni 60 jagi beaivi ja son áigu ávvudit dan juo otne, lávvordaga lea Áslat Jonas'a riegádanbeaivi. Heajat bearjadaga ja lávvordaga, Márjjábeaivve doalut ja juohkediŋga ovtta váhkkus!
Áibbašan ruoktot.
Kvárta geahčen gearggan barggus, de gal doaman ruoktot. duššo fitnat vel rámbuvrras gávdnat heivvolaš girjjáža, go dan leddjen maid vajálduhttalan. Muitogirjjáža maid háliidan Sara Ingái skeŋkket. Min nuorravuođas ;) leat gal nuorat ain, muhto dan rajes go leimmet nuorat ja doavkkit, dalle go ii lean goságe beare guhkki vuolgit, dalle go čoahkkaneimet dávjá ovtta sadjai. Dalle go ain astimet.
Cumcummelum!
Inga kommentarer:
Skicka en kommentar