Akte biejjen övteb vahkoem manne gaavnim nagkene saemien bloggide, dovne saemien gielen jih daaroengielen bloggh. Jih ussjedim mannasinnie idtji govnes vielie? Jalh lea go numtie ahte manne im gaavneme gaajhkh?
Ij goh saemieh utnie daan jeeneh soptstidh? Nagkene politihke-bloggah gyjth govnesh, bene ajve nöörjen bielesne...!
Gaavnim aaj akten åarjelsaemien bloggem, maab Sissel tjaeleme. Aavoehtim dab bloggen ovteste, bene dellie vööjnim ahte bijjelen jaepien vaaseme dan raejete gosse dihte tjaeleme disse daab bloggese.
Dajram gyjth ahte gerve tjaeledh, mujhtedh tjaeledh bene aaj gerve tjaeledh gaajhkh maab säjhta tjaeledh. Mov nagkene amtsh mej bijre im doesth tjaeledh. Damtoes goh ahte saepmie dan soe onne ahte im maehtie tjaeledh maab säjhtam jih mupie bielesne lea dihte mov barkoe. Journalistine ij edtjh jiehtedh maab ussjede. Barre soptstidh guktie almetjh tuhtjien.
Hm. maahta son ahte tjoeverem daab bloggen darjoedh vytnije bloggine. Maahtam vuesehtidh mov duedtiem jih gihtjedh guktie edtjem darjoedh.. Maahta son. Tjoeverem annetje ussjedidh maab jih guktie.
Just ja, manne övre åajaldehteme maab sijhtim tjaeledh dejtie saemien bloggaj bijre.. Gusnie gaavnam daab saemien mode-bloggem? daab sveerjen bielen politihke-bloggem, daab saemien blogge mij ij barre almetjih arkebiejjeste soptsth? Manne hov läjhkan lyjhkem lohkedh maab almetjij arkebiejjeste dellie säjhtam lohkedh jaetja saernie aaj?
Lea goh numtie ahte dihte saemien blogge ij govnes dannasinnie goh dan vaenieh almetjh mah sijhtien lohkedh?
varke gyjhth date åssjalommes vuelkeme, jih dellie baatsam dase abpe jaetja amtsesem bijre ussjedih... nåånåå
Inga kommentarer:
Skicka en kommentar