Lean vuohon moadde beaivve mannjel buohkaid earaid.. Guldalan easkka otne Sofia Jannoka go hupma P1ežis. Sommarpratare lea vissa hui bivnnut dappe. Nu ahte dovden ahte lea mu geatnegasvuohta guldalit maid min (dappe ruoŧabealde) stuorámus ártista dal ain muitala.
Muhto lean veahaš behtohallan, go lean oalle sihkkar ahte lean gullan dan ovdal. Na stuora oasi dan programmas goid leat gullan, in justte ruoŧa gilli gal muhto lean gullan dan ovdal. hm.
In galgga biehkut, go dat lea nai veahaš oahppo-radio dáži. savvamis dan guldalit vuoikko man manggas.
Son lea gal nu čeahppi sániiguin ahte áinnas guldalan.
Mus lea ná buorre dilli čohkkat ja radio guldalit gaskku beaivvi go lea nu nuorvu, ikte lei febar ja ođđen jur olles beaivve. Jurddašin oađđit beaivvi otne nai, muhto go leddjen birra diimmu oađđan de eai rohtten šat náhkkárat. nu ahte das čohkkohallan. In leat vel gárvvodan, persiennat leat gitta go in hálit oaidnit dan čáppá ilmmi mii lea olggobeal. tv lea alde, muhto jienageahtta muitala muitalusaid in dette beroš das. Guldalan radio, dat ii leat jur dat maid láven dáhkkát beivviid.
Dal go ihan bákkus čohkkán leilihetas, nu ahte ii leat vuoibmi čorget, ii dudjot, ii biepmuge rahkadit. de moraštan. juohkedinga ganjáldáhtte. In leat vissa ráhkaduvvon ná akto leat, jurdagat bieguhit ja hálidan duššo bárgut. muhto bárgumis ii oro leat ávki jus ii oktge gula.
Ferten báittsa boagustit, go dat goid movttidáhtte vuoikko man akto de lean. Fargga boagustan.
Nei, ihttin mun gal vuolggan bargui!
Inga kommentarer:
Skicka en kommentar