Oh! daempien damtoes goh ahte giesie båadteminie. Ij gosse dan byjvele (gosse daesnie barkoesne mov lea akte extra-elemente) bene damtoes goh ahte ahte edtjem åarjese vuelkedh!
Jierreden båadta aajkohke Nilla jih duarstan båadta Ellen Inga jih gosse galhkem barkeste delie vuelkebe åarjese!! :) Ankarede.. oh! tjuejje-tjokelte barre ååssjalommeste!
Lustesdalled, voelph råakedh, laahkoejde råakedh, dansoedh.
Jih aejlehken dellie vuelkebe vuesth Tråantese Ellen Inga edtja haelietidt Oslose jih månnoeh aajkohkine edtjebe aajkohke RBAn gåajkoe. jih abpe vaahkoen sijhtem akte laahkoen luvnie mubpien laahkoen gåajkoe vuejedh.
jih aahkan kroepten luvnie aaj minnedh.
Aavoehtem! :) daajram joe daelie hte ij barre lustes saernie fijhkem govledh, bene dihte govloes jielemasse.. gerve tiijh jih löövles aejkieh lea mah darjoejim aalmetjidie numtie goh lin.
Bene aavoehtem. Jiekie Åvlaine abpe iehkeden tjaahkesjid jih löövjem jovhkedh. Laevie Danielinie voelehkem jovhkedh jih kanne sov niejtetjinnie stååkedih. Jiekie Ovine jih jijmie Signine föörhkedidh, jih jijmien naelkies koervem byöpmedh..
Im riekt daejrie maam aastem..! akte åaneks vaahka dan juhtelidh gåarede.
Inga kommentarer:
Skicka en kommentar